蝦碌！韋斯咸門將撲中隊友個頭
莫非呢個係江湖失傳已久的龍爪手？
熱刺全場攻門31次，難怪韋斯咸守門員阿祖安卡斯迪路忙中有錯。
韋斯咸守門員阿祖安卡斯迪路忙中有錯 Getty圖片
對手同隊友都被呢一著嚇呆了 Getty圖片
英超聯賽熱刺鬥韋斯咸，作客的槌仔面對熱刺狂轟濫炸，對手全場起腳31次、8次射中目標，令韋斯咸守門員阿祖安卡斯迪路手忙腳亂。
韋斯咸全場守住哈利卡尼 AP圖片
莫天才非常緊張 AP圖片
因為心急撲波，反應太快的阿祖安卡斯迪路一次出迎接波之時，一手捉住著隊友高耶迪個頭，完全忽略了皮球去向。幸好，韋斯咸這場比賽最終以1：1賽和熱刺，未有因為一次蝦碌全失3分。
自從莫耶斯上場之後，他選擇雪藏原有的門將祖赫特，31歲的西班牙門將阿祖安卡斯迪路上位踢正選，希望今次蝦碌唔會令佢被莫天才莫耶斯扣分啦。不過，也有口痕友話阿祖安呢招認真犀利，呢種功夫祖赫特都未必有喎。【無忌】
