太空也入樽續集 仲有畢拿同格芬擔大旗！
每個NBA球迷都必定都有睇過1996年由米高佐敦主演的《太空也入樽》，本以為該電影會成為經典，並以僅僅一齣戲作結。不過，相隔20年，竟然再拍續集，早前已經傳出「大帝」勒邦占士會做主角，但究竟仲有咩球員會一齊出演呢？
近日再有相關的宣傳影片流出，原來係搵咗格芬（Blake Griffin）同畢拿（Jimmy Butler）一齊對抗怪物隊。畢拿在宣傳片頭，穿上黑色大衣及戴上墨鏡，以神秘人般的角色出現，並為影片作旁白。
（網上圖片） 鏡頭一轉，只見怪物隊已稱霸球壇，而有一群球員向經典華納角色賓尼兔求救，希望能進行反攻。賓尼兔隔著一道厚閘，將一大堆波衫及球鞋丟給該群球員，並表示你們需要「這樣東西」，此時格芬便破閘而出，與賓尼兔搞了兩個「爛gag」後，便帶領該群球員去「打怪物」。
（網上圖片） 
（網上圖片） 到最後，畢拿來個「首尾呼應」，再出場並表示「我討厭怪物」。不過，全條片都未見有占士的蹤影，以及未見整隊明星隊的陣容，令人倍加期待下個出場的角色。
未見整隊陣容（網上圖片） 
