高球手被水沖走 波友笑完先至救
如果見到好朋友被水沖去，你第一時間會做啲乜？外國一條短片顯示，好朋友就係永遠「最衰格」嘅朋友，喺你受苦嘅時候一定係「笑咗你，先再救你」......
成副裝備帶落河（AP圖片）
通常高爾夫球場都有唔同障礙物，有沙坑、山坡、河流、亦有樹木，但外國有一個高爾夫球場竟然出現急流，而唔知嗰位高爾夫球手係咪好趕時間，竟然諗都唔諗就帶晒啲裝備沖落河，結果，當然被水沖走。
算你啦！笑完都仲衝落去救。（AP圖片）
最過份嘅係，身邊兩個波友只係掛住拍片，不停指住佢嚟笑。不過，兩人見到好友真係有危險時，都奮不顧身即刻沖落去救，遲就遲咗少少，依然抵讚。
