方力申、歐鎧淳和車淑梅一同出席香港運動員精神分享講座，小方談及運動員時代的趣事，自爆曾與隊友拍拖，仲要勁浪漫咁水中對望。
同場現身的歐鎧淳自爆與男友過甜蜜情人節，小方立即把握機會抽水，指「佢唔專心做運動」，但佢都好體貼咁「自爆」埋一份：「雖然當時做運動員好少拍拖，但亦都曾經與隊友譜出戀曲，仲要好甜蜜，喺水入面單眼同對望傳情。」
