居里點都避唔過比字母哥posterize嘅命運
今年NBA全明星賽完滿落幕，東西岸決戰雖然攻勢「快來快去」，但亦有不少有趣位置，當中包括居里與「字母哥」顏迪杜宮普的互動。
AP圖片
今場比賽，屬於東岸嘅字母哥第一次入選明星賽，勁落力不停爆籃，就好似當左個籃係佢嘅仇人。西岸居里見狀當然知道擋佢唔住，而賽事比分去到101:104，由字母哥策動快攻，身為最後防守者的居里竟然扒喺地下，避過遭到「posterize」的一劫。
居里已經瞓喺到避。（AP圖片）
不過，「是福不是禍，是禍躲不過」，字母哥邊到會放過居里。比數去到114:121，東岸保羅佐治射唔入兩分波，「咖哩仔」喺籃底等拎籃板，點知字母哥突然從後殺到，並以爆籃方式補籃，成功令居里變為海報，點避都無用。
最後都係避唔到。（AP圖片）
