【新一代燈神?】摩連奴估世界盃4強 葡萄牙惡鬥巴西 阿根廷巧遇德國
摩連奴出馬估波，會唔會準過比利呢？
摩連奴扮演燈神，你又信唔信佢？ RT影片截圖
曼聯領隊摩連奴預測今屆世界盃4強誰屬，佢預測祖國葡萄牙在16強可以先贏烏拉圭，8強再過法國，順利打入4強。佢又認為巴西可以先贏墨西哥，然後8強大戰英格蘭，但佢估計佢旗下的曼聯球員可以早點放假，即是意味佢看好巴西晉級。
估波，邊難到我摩連奴？ RT影片截圖
愛國不是靠把口，當然要用行動支持啦！ RT影片截圖
至於另一條線，佢判斷阿根廷可以連過兩關，包括8強擊敗西班牙入4強。另一支4強人馬，就係大賽常客德國。不過去到4強階段，葡萄牙鬥巴西、阿根廷對德國，佢認為呢兩場實在太難推算，情願放假等睇世界盃，留返比球迷慢慢估啦。
4強之後點估？比你估得到，你做食神啦？ RT影片截圖
到底摩連奴預測有幾準，世界盃周四（6月14日）開鑼，大家即管留意摩佬的估波功力，係咪拍得住比利啦。
