【世界盃】巴西有個整蠱專家 尼馬掟雞蛋麵粉戲耍壽星公古天奴
雞蛋六隻，糖呢兩茶匙，仲有啲橙皮添。
巴西在索契練習備戰，尼馬舉手投足都引人注意。 AP圖片
歡迎大家收睇瘋狂巴西世界盃，今日我哋節目主持人係巴西球星尼馬，整蠱對象係近日出文大談「正直、忠誠和尊重」而受到球迷諷刺的菲臘比古天奴。
唔好以為係普通練波環節。 AP圖片
尼馬心中已有盤算。 AP圖片
同加比爾捷西斯傾密偈。 AP圖片
準備好，就係收操呢一刻突襲古天奴啦。 AP圖片
隊友一擁而上。 AP圖片
話說古天奴6月12日踏入26歲生日，要佢唱Happy Birthday to me 可能實在太高難度，不過百厭星尼馬早有預備，佢帶同雞蛋、麵粉火速從後殺上，左手雞蛋、右手麵粉準確地向住古天奴個頭出手，身邊隊友默契十足地拿出早有預備的麵粉配合攻擊，在操練場外的球迷見狀馬上大笑及吹口哨附和，古天奴受到玩弄之後一臉無奈地苦笑，真係一個難忘到極的生日慶祝。
尼馬就係最受歡迎的球星，有圖有真相啦。 AP圖片
AP圖片
古天奴事後搵水洗濕個頭，咁搞法仲洗唔洗落Gel再恤返靚個頭髮，佢似乎都揸唔定主意。唔好以為整蠱環節就咁完結，古天奴冷不防尼馬手上原來仲有雞蛋，佢稍一停下休息尼馬又再攻擊，玩完之後成班球員又攞住雞蛋同麵粉整蠱另一個對象，真係玩極無停手。不過，始作俑者尼馬最後都受到雞蛋攻擊，玩人者總會被玩返轉頭，以其人之道還治其人之身，世事就係咁架啦。
