削到2036！卡塔爾乒賽一分打足766板
於卡塔爾公開賽女單32強出現有趣一幕，國際乒聯上載片段，更以「最長時間對削」為題，荷蘭及日本選手「削」逾10分鐘，打足766板，最後仲要係不分勝負咁結束。
影片截圖
荷蘭球員李潔對上日本選手佐藤瞳，暫由佐藤瞳領先兩局。剛剛開始第三局，由李潔開球，因兩人均擅長削球關係，便開始削啊削，削啊削，削到好似睇GIF圖咁，不停重覆相同動作。
削球的目的是要引對手出錯，再乘勢反擊，但兩人均守得滴水不漏，同時又不敢輕舉妄動，故只能集中在化解對方嘅「旋」。時間到達10分13秒，兩人打左766板，場中突然出現另一夥乒乓球，賽判只能插手暫停賽事，兩人比數照舊。
有個波碌左入嚟。（影片截圖）
唔少網民都表示，可能其他人都睇唔過眼，突登掉個波入球場。又有網民話睇片睇到眼瞓，更有人指影片是治療失眠的最佳藥物。不過，其實打到咁多板都已經十分厲害，就算是訓練亦難以打足10分鐘。
P.S. 如果瞓唔著，可以睇下面條片。
