麥基奧尼爾Twitter罵戰 球迷撐邊個？
相信很多球迷都喜愛看《NBA內幕》節目，尤其是「Shaqtin' A Fool」，剪輯球員的蝦碌鏡頭。而有追開的球迷都知道，麥基（JaVale McGee）是節目常客，奧尼爾特別喜歡取笑他。不過，奧尼爾近日似乎玩大咗，麥基頂唔順要同佢展開「Twitter罵戰」。
AP圖片
麥基早在過去已表明奧尼爾是在霸凌他，但奧尼爾根本懶理，仲要繼續拍片恥笑佢，最新一條片講到奧尼爾扮「奇異博士」，不停重播麥基的失敗片段，有上籃失敗、有入樽失敗、亦有搶板失敗等。麥基終於「爆seed」，在推特鬧「唔通奧尼爾每朝起身，第一件事就係諗點整一條恥笑我嘅片？」
麥基Twitter圖片
麥基繼續講：「可能佢愛上了我，又或者我應該繼續比佢恥笑？我唔知點做啊各位！」其後奧尼爾出聲回擊：「唔係扮女仔啦，我輕鬆就可以打贏你啦蠢人。」仲要hash-tag #bumass，意思是說麥基是蠢人。
奧尼爾Twitter圖片
罵戰不停升溫，麥基再指奧尼爾正在恐嚇他，更指他是個「老人渣」。而奧尼爾再侮辱他，更指他即使身處在一個好隊伍，但其他人亦只會記得他在「Shaqtin' A Fool」的影片。
麥基Twitter圖片
麥基Twitter圖片
勇士團隊決定為麥基出頭，指《NBA內幕》的「Shaqtin' A Fool」令麥基的形象受損，導致他名譽被毀。而杜蘭特亦挺身而出，指麥基非常努力，作為一個職業球員，他只是希望能得到應有的尊重。」球迷睇完整個過程，你又會幫邊一邊呢？
AP圖片
