【訂雞翼甩底事件】科大學生為「冰川社三」出頭捱轟
死不認錯有用嗎？
科大學生會「甩底」小食店贊助200隻雞翼事件有新發展。網上出現疑為科大學生會抱不平的言論，指「講咗話唔要仲想點？」、「Block佢(小店)好正常」等等，有關言論其後被轉載其他fb專頁，惹來網民猛烈評擊。
網上出現疑為科大學生會抱不平的言論，指「講咗話唔要仲想點？」網上圖片
網民Chloe在fb群組「巴打絲打 Facebook Club」貼圖，圖中一位名叫Timothy的網民疑為科大學生會「甩底」抱不平，留言指「都唔要人雞翼，Block佢好正常。Ocamp咁忙，個電話大把msg（信息），梗係要過濾。講咗話唔要仲想點？舖頭唔識賣咗佢嘅？如果舖頭最後丟咗啲雞翼，浪費嗰個係舖頭唔係個莊囉。」該網民又指，「莊年中r幾十間鋪頭sponsor，漁翁撒網，最後比預期多左，最後拒絕要sponsor又係正常不過，你贊助我就一定要？」又指全港的莊都是這樣，今次「冰川社三」「不幸」上報都是因為店舖老闆小器。
有疑似科大學生指，今次「冰川社三」「不幸」上報，都是因為店舖老闆小器。
Chloe把有關留言截圖再上載，並指「依家大學生啲思想真係好得人驚」，引起網民熱烈討論有網民怒斥「無家教」、「不知所謂」等，亦有網民指「其實唔要唔係一個問題，個問題係你嘅態度真係好差！」並指「你唔單止浪費左嘅事食物，仲要係負責人嘅一片心機」。
有網民懷疑Timothy是涉事學生會成員，不過「冰川社三」否認，指發文者是其他學生組織成員，而非「冰川社三」的幹事或成員，有關言論亦不代表他們的立場。
