百味堂限定店必食List 檸香奶茶雪糕 軟心忌廉包
月底前仲有機會！
韓迷無可能無留意，甚至無可能無食過韓國人氣雪糕店「百味堂」吧！話晒百味堂雪糕早在1964年於韓國開業，多年來都主打健康為本的雪糕和特色甜點，例如用有機牛奶整雪糕漿，用有機蔗糖代替白砂糖整甜點，雪糕不會添加香精和色素，即使賣嘅雪糕清一色是牛奶和豆乳味，人氣都從未減退過。
百味堂期間限定店
招牌牛奶雪糕（48元）
識食嘅你又怎會不知道呢間韓國老字號去年7月已進駐尖沙嘴K11呢，當時日日排長龍，為嘅都係一杯雪糕，食過就知值得排下等下。品牌早前在銅鑼灣開咗間Pop up店，大家多個選擇之餘，最正係帶來迎合港人口味的奶茶雪糕，還有多款新品，以下嘅必食清單，唔試會後悔。
百味堂期間限定店
必食1：阿薩姆「奶茶」雪糕
這款雪糕係限定店新推出，在雪糕杯內注入手沖阿薩姆茶，再放上牛奶雪糕，店員奉上前再把新鮮檸檬皮刨在雪糕上，未吃已嗅到檸檬香味，非常誘人，吃時把茶與雪糕混在一起，有飲港式奶茶的錯覺！
阿薩姆「奶茶」雪糕（68元）
必食2：軟心牛奶忌廉麵包
新品還有「軟心牛奶忌廉麵包」，麵包鬆軟似棉花，夾着以有機牛奶、韓國忌廉和新鮮雲呢拿籽製成的牛奶醬，甜而不膩，口感綿密，啖啖都係幸福滋味。
軟心牛奶忌廉麵包（24元）
必食3：雪芳蛋糕
雪芳蛋糕有朱古力牛奶和牛奶2種口味，全以有機蔗糖製作，朱古力牛奶味更加入海藻糖來減低甜度，同時加入可可塊令朱古力味更濃郁更突出，朱古力控必定大愛！
原個朱古力牛奶雪芳蛋糕（128元）
必食4：意大利芝士咖啡雪糕
把Tiramisu變成雪糕，吃起來比蛋糕更誘人。
意大利芝士咖啡雪糕（78元）
必食5：黑芝麻穀物豆乳奶昔
黑芝麻香氣撲鼻，混以豆乳奶昔一起喝，口感綿密幼滑，正啊喂！
黑芝麻穀物豆乳奶昔（58元）
百味堂期間限定店 （開業至9月30日）
地址：銅鑼灣軒尼詩道500號希慎廣場1樓中庭
電話：5205-1327
