「假處男」姜濤澄清：拖吓手仔但無下文！
下次唔好亂轉「戀愛中」啦，粉絲心碎啊…
網上截圖
ViuTV選秀節目《全民造星》成為熱話，節目在連登被瘋狂討論，近日又有網友在討論區上Po幾張疑似「小鮮肉」姜濤拍拖的相片，還有網友悉心翻姜濤facebook，找到原來他在2015年，曾經將關係一欄轉為「戀愛中」，引起網民超大反應，說姜濤在節目中講大話。
網上圖片
網上圖片
相片可見，姜濤當時還是圓潤身形（未進化），身旁拖著一位穿著白色小背心的少女，有網民說她貌似ViuTV《全民造星》主持之一卓韻芝。
網上截圖
姜濤得知後回應說：「講起都丟架，啲相係返緊學，我都有少少鍾意個女仔，當時啲朋友起哄，話個女仔都鍾意我，就拖手，結果個女仔同我講係大家一齊玩吓，真係丟架。當時真係好開心，所以就將facebook set 做戀愛中。而另外一張同女仔合照，嗰個係我表姐。」問到他和那女生有沒有下文？姜濤好肯定地說：「我都想有下文，不過只係拖手行咗一條街，睇戲食飯都冇。」
