男女攻防戰！點玩overcooked先唔分手
合家歡遊戲《 Overcooked!》被稱為「情侶分手器」，因為遊戲講求二人合作，情人一齊玩易生磨擦，豬隊友隨時變出分手危機，有人更用來測試對方是否真愛。一齊睇下點打贏「大魔王」！
網上圖片
1.認低威
通常做order失手、漏單、阻住對方條路，搞到火燭，自己或對方都會發脾氣。呢個時間硬撐只會火上加油，承認自己唔岩，下次會配合對方，咁又可以當無事，再玩過。如果兩人未成為情人，仲分分鐘為見到你脾氣好，大大加分。
2.煮野食交比打機高手
設計圖片
Overcooked之所以在男女朋友間咁受歡迎，因為打機高手與煮野大師可以是相反，現實係cooking king，在遊戲中可能係豬隊友；相反，現實係不入廚房嘅人，又可能係4星神手。但要減低磨擦，就一定將煮野食呢個取分重任交比，眼明(睇order)手快(煮野)嘅玩家。送餐、拎食材就比新手做。
3.百忍得星
好多人一開始失誤就restart，咁其實好損仕氣，所謂「一鼓作氣，再而衰，三而竭。」。就算起局起得差，如果肯堅持，互相合作，分分鐘可以扭轉敗局，贏得4星！唔忍得，婚都有得離啊！
4.轉移視線
網上圖片
《喜劇之王》中，張柏芝飾演的舞小姐飄飄教新人如何「借視線」：個客醜樣你咪唔好望佢全相囉。或者耳仔靚呢，淨係望佢耳仔囉。個嘴猾突嘅，或者棚牙靚，你咪淨係望佢棚牙囉。」同理，即使失手卡關，都唔好批評對方。對方睇錯order，可以讚佢切菜快；佢切菜慢，可以讚佢送餐快；佢送餐慢，可以讚佢拋食材準；佢拋食材屎，可以讚佢睇order準。讚得多，女神/男神點好意思反鬧你呢！
