劉佩玥寧被講「收兵」唔想被話水性陽花
阿Moon想「收兵」話咁易啦...
阿Moon話目前只想努力事業
29歲的劉佩玥（Moon）最近在TVB新劇《跳躍生命線》首次擔正，同何廣沛和男神馬德鐘合作，令她每日開工都好似享受。提到早前被影到跟周志文疑似錫錫，但就拒認戀情，她解釋一日未穩定也不會公開，寧被話「收兵」。
阿Moon日前出席活動時指頸部照超聲波有三粒淋巴核黐埋，抽組織化驗幸好是良性。
早前阿Moon跟周志文等一班朋友出海時，疑似在浮牀上咀嘴，阿Moon被指跟周志文拍拖卻不肯認，阿Moon解釋本身對感情事好認真，所以一日感情未穩定都不會公開戀情，「講真我寧願畀人話我收兵，好過話我水性陽花，不斷換男朋友，同埋我父母思想好保守，所以我唔想佢哋擔心，不過我都好羡慕人哋公開放閃，自己都希望早日搵到真命天子公開。」
拒認同周志文的緋聞。
問到是否因周志文多緋聞令她欠安全感，阿Moon就力撐男方，「佢係我好珍惜同愛錫嘅朋友，佢係好善良嘅人，以往嘅緋聞只係佢冇專登澄清啫！」
阿Moon就力撐周志文是好善良的人。（資料圖片）
阿Moon話目前只想努力事業，感情事低調處理。提到新劇同好兄弟何廣沛演情侶，阿Moon話有商有量好舒服。阿Moon劇中與何廣沛演一對，因兩人早在15年合作《四個女仔三個BAR》時認識，演得特別舒服，「我哋識咗太多，本身係好兄弟，平日都成日鬥嘴，同套劇關係幾似。」
同好兄弟何廣沛演情侶
不過，講到跟自小勁冧的男神馬德鐘合作，阿Moon坦承既緊張又興奮，「我細個最多時間睇電視就係睇住佢，嗰時已經覺得佢好有型，見到佢感覺好神奇，真係有好多回憶，佢都知我好仰慕佢㗎！合作後更加欣賞佢，佢冇架子，又照顧成組人，係個好好嘅前輩嚟！」
劇中馬德鐘演阿Moon姐夫，令她有好多機會對住男神。
