理大生用大學圖書館幫中學生補習惹熱議
使用大學資源去獲取個人利益，又好似唔係咁好啵。
大學生做私人補習老師是件平常事，在課餘時間為自己賺取外快，不過若果使用大學資源再獲取個人利益，這卻不是件正確的事。有網民在社交平台專頁「名校Secrets」發文，指有大學生帶中學生到大學圖書館進行私補，有違校規。
網上圖片
「個中學學生妹著住校服走入大學圖書館，其實周圍已經有好多人望住佢同補習老師，中學校服尤其係女仔校服，喺大學入面其實好顯眼，但佢哋繼續無視眾人目光，喺大學圖書館補習DSE數學。佢哋起碼補咗兩個幾鐘，仲要唔知我嚟之前佢哋已經補咗幾耐。」網民指是於周一（10月29日）理工大學圖書館中目擊此事，又上載圖片證明所言屬實。
網上圖片
網民又指：「點解啲人可以咁自私，霸佔大學設施補習搵錢。如果補習老師係Poly學生，而又係你借學生證比中學學生妹嘅話，你以後唔好再咁做，你嘅行為喺大學入面其實係好嚴重嘅罪行，學校有權踢你出校。」
網上圖片
雖然發文的網民狀甚憤怒，不過不少留言的網民卻認為他不應只作「鍵盤打手」，而要勇於投訴，「你覺得我們看起來像圖書館職員嗎」、「點解唔叫staff，check佢証」。
網上圖片
另外，亦有網民指該名疑似大學生補習老師不應挑戰學校底線：「 真心，teatime去canteen補都好過入拉把，一黎sem尾多人去24做discussion，二黎拉把講到明係restricted to non student or non staff，三黎canteen可以任講野有位錯仲要teatime人少冇咁阻地，一直以來都有人係canteen幫人補習大家都係睜一眼閉一眼，家下唔好挑戰底線好嘛。」
網上圖片
