為造人Keep住度蜜月 雨僑計劃同老公親自湊B
等造「蜜月BB」~
雨僑和老公羅力威早前先去完日本關西度蜜月，不過這次蜜月之旅他們仍未夠喉，會Keep住去不同地方再度蜜月，只因他們已準備好為人父母，更有計劃到時不會假手工人，會一手一腳親自帶BB。
雨僑自小由家傭照顧，跟父母難免較疏離，所以更想親自湊BB。
雨僑謂日本蜜月之旅由於跟朋友同行，雖然遇着打風，但不算太辛苦，反而體現到合作精神同老公優點，「其實我老公不嬲冷靜過我，所以訂機票酒店都係佢搞多，今次仲同成班朋友分工合作，好快Book好趕到返嚟香港。」
跟羅力威去日本關西度蜜月，遇着超強颱風「飛燕」吹襲。
不過，去完日本不久，雨僑已跟羅力威計劃再度蜜月，因兩人心急造人，「嚟緊我哋有時間就會去其他地方度蜜月，首要目的係為咗生BB，我同老公準備好做嗲哋媽咪，所以趁未有小朋友就去玩多啲，另外就係我做KOL，都需要睇多啲唔同嘢，接觸多啲新事物先得，唔係好快乾塘㗎！
雨僑現在工作以KOL為主，所以時間較易安排。
講到做父母，原來雨僑已跟老公商量好，不會請工人會親自帶BB，「其實你睇外國好多家庭都係無請工人，咁樣小朋友同父母關係會親密啲，況且我做KOL工作為主，唔使出街喺屋企可以搞掂，老公有時間又可以幫手，如果真係有工作出去，都可以請父母幫手湊吓，應該可以照顧到小朋友。」
