《跳躍》救護三劍俠受熱捧 張彥博何廣沛郭子豪兄弟情深
劇集咁受歡迎，三人挾人氣開新戲！
無線台慶劇《跳躍生命線》收視報捷，除恭喜馬德鐘成功領軍，劇中的「救護三劍俠」張彥博（阿博）、何廣沛（Matthew）和郭子豪（Arnold）亦表現出色。自拍劇後，「三劍俠」更成為了好朋友，不時相約做Gym、相聚等，雖然現實中三人性格各有不同，但卻互補不足，言談中流露出深厚兄弟情。
《跳躍生命線》大受觀眾歡迎，收視一直高企。(網圖)
好多觀眾欣賞《跳躍》劇情夠快、夠現實，「救護三劍俠」演出迫真，原來拍攝前認真上過堂，難怪手勢純熟。飾演六號的Arnold說：「呢套劇放咗好多資源畀我哋訓練，拍前兩星期我哋要上堂，讀學術上嘅嘢、學急救、學打針等，而戲裏嘅case係根據真實個案改編。」
救護三劍俠(左一至三)劇內劇外都咁合拍。(資料圖片)
阿博續說：「係呀！學咗好多正統救護知識外，仲接受咗正式嘅紀錄部隊訓練，有真正嘅阿Sir（教官）同我哋步操。拍攝時，有真正嘅救護員睇住我哋有冇做錯。」三人努力付出，還有「意外收穫」。飾演傑仔的Matthew開心說：「播出後，阿Sir讚我哋做得好好，仲將我哋拍《跳躍》嘅片段畀番啲學員做reference（參考），好有滿足感。」
Matthew好開心教官讚佢地做得好。(資料圖片)
劇中傑仔、雄姐和六號的兄弟情都是觀眾另一個話題。阿博說：「現實中，我哋三個性格好唔同，我轉數比較慢、比較鈍；Matthew開朗又好吹得；月前贏得健美賽冠軍嘅Arnold係我哋兩個嘅『野獸導師』，train我哋成為肌男。O依家我哋一得閒就出嚟見，早排播出Matthew喺雨中受罰嘅跑步戲，我真係喊咗出嚟。」
劇集受歡迎，三人挾人氣開新戲。
劇集受歡迎，三人挾人氣開新戲。阿博和Arnold在新劇《法證先鋒IV》再度合作，前者首次做大反派，好興奮。至於Matthew早前拍咗部《白色強人》做天才醫生，現拍緊懷舊懸疑劇《黃金有罪》飾演黑警。
馬德鐘(右)成功領軍。(資料圖片)
