棒球教練倡「只求勝利不做輸家」 你又認唔認同？
教練於賽前必定會向球員說一些鼓勵說話，好讓球員放鬆心情，有穩定軍心之用。不過，網上流傳一段引起爭議的棒球教練訓話片段，唔剩止鼓勵咁簡單，而係講到明目標只係贏，仲要整喊對方球員先至得。如果香港家長聽到呢段說話，又覺得佢講得啱唔啱？
教練向球員進行訓話。（影片截圖）
棒球教練劈頭就問：「我們的目標是甚麼？」小朋友則回答標準答案：「做好自己」、「取得勝利」、「用盡全力」，教練不停擰頭，否決所有答案，再講驚人答案：「我們目標是要打出全壘打、令敵隊投手感到丟臉、弄哭對方的球員，以及徹底擊敗他們。」
小朋友踴躍回應。（影片截圖）
小朋友未必了解箇中含意，只覺得很有趣，全部人以大笑回應。教練又繼續講出殘酷事實：「這個世界上有兩種人，一種是贏家，另一種便是輸家。坦白說，每次我們踏進球場，目的便是要成為贏家。如果你的父親說『不要在乎輸贏，只要享受自己』的話，我討厭這樣說，但他只是一個輸家。」而小朋友今次反應明顯冷清得多。
教練最後終於要鼓勵隊員，先話：「敵方球隊表現不錯，但我們更好。」，再叫所有小朋友伸手大喊隊名。網民對於上述言論有兩極化反應，有人認為他講出殘酷真相，有助教導小朋友，但亦有人認為對象只要小孩子，沒有必要這樣說話。
終於嚟個「正常」鼓勵。（影片截圖）
