【成長日記】網民羅列入U學懂的八種道理
你地嘅領悟同呢位網民一唔一樣呢？
每逢人生從一個階段去到另一階段，總會領悟到不同事情，由中學轉至讀大學的感受更是深刻，重新認識各種人，而且自己亦漸趨成熟。有中文大學網民將這些領悟寫成文章，道出八個人生道理，你又有沒有相同領悟呢？
設計圖片
「唔夾就係唔夾，咪嘥氣。你幾努力迎合都冇用，不如做最真嘅自己；無論你幾孤單，都唔好回頭搵拋棄過你嘅人，情願自己一個行；其實呢個世界好多人都以貌取人，無論你幾努力做好，佢都唔會對你好；呢個世界就係有人靠「望」嚟憎一個人，如果你不幸成為其中一個被「憎」嘅人，唔使覺得羞愧。」這是首四個領悟。
「好多人都鍾意鬥慘，真正有同理心嘅人其實好少。如果你唔識安慰人，不如保持沉默；去O Camp上莊嗰時無論幾firm 都好，其實好多最後都變咗hi bye friend。如果識到知心，珍惜。」之後尚有兩個道理，但與上述道理一樣，都是非常現實與真實。
網上圖片
「若果你唔想原諒一個人，咁就唔好原諒。唔好因為其他人求情就輕易原諒。因為就算你「原諒」左，其實同冇原諒都係冇分別，仲要強顏歡笑對住人，其實只係辛苦自己，令自己難堪同難受；有啲人成日話人虛偽，偏偏自己就最鍾意聽虛偽嘅話，睇虛偽嘅表現。」與其說是大學生的成長日記，反而更像是人生歷練，進入社會前上的最後一課。
