粉紅假髮配黑魚網再襯紅色小背心 李佳芯狂野Look曝光
狂野Ali同樣索到出煙。
一向高貴的李佳芯。(資料圖片)
李佳芯(Ali)正拍攝tvb新劇《殺手》，日前劇組到台灣拍外景，Ali因為要拍一場假扮女殺手龔嘉欣的戲，由四眼爆炸頭師奶變身A貨狂野女殺手，戴上粉紅色假髮，黑色魚網包住全身，內襯紅色小背心，輕露「事業線」及23吋小蠻腰，再配上魚網絲襪，造型突破。
未算呀，打到手腳傷痕纍纍的Ali甚至要跳入滿佈蠔殼的碼頭浸臭海水3個鐘，「有個成日喺度游水嘅老伯感染食肉菌死咗，所以落水前後都好驚。」35歲嘅Ali為tvb賣命到咁，會唔會太博呢?
Ali坦承劇中的龔嘉欣有身材又有身手的確好搶鏡，她直言不敢硬撼，唯有智取：「相比嘉欣，我爭好遠，因為佢係殺手，要打又要吊威也，自己簡單得多，所以我都要出招，用四眼師奶look，加埋癲得師奶性格去吸睛，對我嚟講今次係放射式演技，其實我都想試吓做打女，不過先要練返好體能。」
Ali愈爆愈多，她透露：「之前有場戲講我畀人綁喺欣澳碼頭，海水既污糟又惡臭，每條柱位又佈滿蠔殼，我又周身傷痕，落水前都好驚，好彩之後手部傷口瘉合得到咪當冇事囉，咁啱當日翻風轉涼水溫好低，呢鋪真係搵命搏。
