甜笑認奉子成婚 陳展鵬：應該有3個月
陳展鵬榮升準爸爸，心情當然興奮啦！
陳展鵬估計老婆有喜3個月。
新婚不夠一個月的陳展鵬昨日於社交網公佈，快將榮升爸爸，他出席活動時談到當爸心情，言語間更承認奉子成婚。展鵬說:「心情是很興奮、突然及喜悅， 自己都已經41歲，又不是第一次拍拖，這個是上天給予的禮物，唔係咁易想有就有，其實可以說是一額汗，好多人問我是有咗先結婚，抑或一個月內就中。大佬呀！我不是機器，不是放些東西入去，就會跌啲東西出來，其實係同一時間發生。 」
展鵬形容心情是很興奮、突然及喜悅。
展鵬說，早前做訪問時曾透露今年中會結婚，但當時大家不以為意，去年尾開始籌備婚禮，他說：「8月去英國影婚紗相時，同時間知道（指有BB），真的中六合彩都冇咁易，當時老婆陀得都幾辛苦，所以有想過公開，但雙方家長覺得BB很容易小器，所以要想辦法瞞住。 」由於要飛英國影婚紗相外，又出海舉行婚禮， 展鵬曾經想過取消「海陸空」婚禮，但陀得辛苦的單文柔終於捱得過，他大讚妻子很堅。
網上圖片
當問單文柔懷孕多少月，他只說:「我計法應該係3個月，但醫生計法不同，所以詳情要問單文柔。 」
網上圖片
