KOL變歌手被彈唱得不夠好 曾樂彤無懼負評
雖然被人彈歌藝，但樂彤話唔會影響情緒。
做過有10萬粉絲KOL的曾樂彤，轉換跑道成為英皇的新晉歌手。有唱片公司器重，又有粉絲基礎，看來娛樂圈這條路比其他人行得容易。但她依然耍面對外界的一大堆批評，不過，咗幾年KOL，已經訓練有素。
雖然曾樂彤係擅於面對鏡頭嘅KOL，但作為樂壇新人從未正式受訓，對唱歌一竅不通，被人評唱得未夠好。曾樂彤坦言不怕被批評：「作為公眾人物好難阻止人哋發言，做過幾年KOL，訓練有素，幾劣嘅負評都唔會影響到我情緒，最重要身邊人支持我同埋知我做緊乜。」
曾樂彤為做歌手，自掏腰包上音樂課，由基本功學起，每日要練發音及運氣。她表示：「我好認真咁邊做邊學，相比之前明顯有進步，以前唔識用聲，O依家表現出嚟係有信心咗，水準穩定咗。」
她話下一步會開始習慣上台點樣去發揮，唱到歌同時要有台風。她話好感激公司畀咁多資源自己身上，而頭炮新歌《單身旅遊日誌》的MV選擇在台灣取景，同行拍攝的還有新晉男神陳家樂。
有公司錫又有師兄師姐睇好，連張敬軒親點要她以新人姿態在軒仔的新城台慶音樂會中演出，前途無限。
