計劃明年娶女友 陳山聰愛買名牌難儲老婆本
為咗娶老婆，山聰真係要慳啲啦！
陳山聰早前接受電台訪問時，透露計劃明年迎娶圈外女友Apple，還希望舉行一個陽光海灘的婚禮，但他說了一整年都說未儲夠錢買隻份量十足的求婚戒！日前傍晚，潮人山聰襯到靚一靚現身中環太子大廈，見他去名店買了袋戰利品送給朋友，佢成日咁鍾意逛街買名牌，點可以儲到老婆本啊？
山聰計劃下年同拍拖4年嘅女友Apple拉埋天窗。
入行24年的陳山聰，同賭王千金何超雲甩拖後，一度被封為「四失聰」。近年努力洗底，去年他終憑《同盟》拿了《萬千星輝頒獎典禮》的「最佳男配角」，今年首度升做男一拍新劇《金宵大廈》。
操出一身肌肉嘅山聰，自爆有好多人慫恿佢出寫真。
上月，山聰帶女友和胞兄兩公婆遊日本兼跑步，話要生日行大運。
早排，山聰42歲牛一，豹嫂兩夫婦(前後最左)幫手約李施嬅、袁偉豪等食生日飯，女友Apple溫馨黐到實。
山聰拍新劇《金宵大廈》首嘗男一滋味，之後再同譚俊彥等合作《十八年後的終極告白》。
日前傍晚6時，黑超山聰一身潮服現身太子大廈名店。見他走了一陣就買了袋戰利品，步出時發現記者，山聰keep住微笑望鏡頭，然後catwalk地款行，chok到暈。打扮有型有格的他，全身最搶眼莫過於滿手飾物，右手一抽皮鈪、珠鏈，再加串誇張銀戒指，看到眼花。問他不用開工，是不是秘密逛街買名牌冧女友？山聰否認說：「係買畀朋友O架！」這麼闊綽！這位「朋友」都應該份量十足。最後他沿路走去置地廣場取車都勁好笑容，同記者講了bye bye便走人。
模特兒身形嘅陳山聰，chok樣行路似行catwalk。
山聰沿路行去置地廣場取車都勁好笑容，又主動同記者揮手say hi。
