處男騷拒騷肌 胡鴻鈞：點解開騷就要除衫？
Huber話要等條件好啲先除......
洪卓立（Ken）和胡鴻鈞（Hubert）等出席《飲食業安全獎勵計劃頒獎禮》，Hubert直言愛吃，但自認做生意沒頭腦同錢，所以專注幕前工作較好。
胡鴻鈞
提到將於下月9日在會展開處男騷，Hubert坦言不想失禮，已選定嘉賓和歌單，雖然有跳舞部份，但不會太大郁動。可會騷肌？他說：「點解開騷就要除衫呢？大家要撇除呢個概念，我不介意，但要條件好啲先。」
胡鴻鈞講到明開騷有跳舞但不太郁動。
唔騷肌可以騷才藝！（網上圖片）
而Ken則表示一直想做飲食生意，兩年前有朋友提議夾份在台灣開串燒店，但礙於太忙擱置了，透露最想退休後開居酒屋賺錢，「玄學師傅話我30歲前不適合做生意，就算做生意要同屬龍、牛夾份，之前做電競生意遇人不淑，所以覺得做生意要夾啱人。」
洪卓立、曾樂彤
樂壇頒獎禮將至，Ken笑言一定投票給師妹曾樂彤，又讚對方唱歌好聽、人又好，和藹可親，「佢有個特點係上台前好緊張，但上到台唔覺佢好緊張，新人好難得。」對於師兄張敬軒與古天樂、陳奕迅等角逐「叱咤樂壇頒獎禮」的「我最喜愛男歌手」，Ken直言今次是世紀惡鬥，但會揀張敬軒。師妹曾樂彤也力撐張敬軒得獎，因為今年對方好努力，既出碟又開個唱。
洪卓立同師妹都撐師兄軒仔。
此外，提到圈外好友Joann被爆與關楚耀拍拖，曾樂彤以女方不是圈中人為由，不公開討論。
曾樂彤
