拍《救妻》狂識新朋友 蔚雨芯肥住開工仍開心
Rainky話各演員每日都輪住「萬歲」！
蔚雨芯（Rainky）最近在TVB逢周日播出的新劇《救妻同學會》中飾演神婆「Vien」，首次扮平時好Cool，但每次開聲都語出驚人的角色，加上造型又特別，令Rainky拍得好過癮。由於全個劇演員以年青一輩為主，Rainky與大家雖然初次合作但好快熟絡變成好朋友，大家每日輪住「萬歲」，搞到個個都肥了。
這套劇已是Rainky今年第三套出街的劇集，之前有《再創世紀》和《是咁的，法官閣下》。
這個神婆造型雖有特色，但頭帶箍得耐搞到Rainky頭痛。
由於是首次演神婆，Rainky都有特意去補習玩塔羅牌，「我以前都試過睇塔羅牌，但真係唔識點玩，所以有搵人專登學過，我同導演設計咗個角色唔係成日出聲，但一開口就講啲好中嘅嘢，係個好得意嘅角色。」
Rainky本身不太懂玩塔羅牌，為角色要向專人請教。
《救》劇以年青人為主線，主要演員都不過30歲，自然特別聊得來，Rainky因而認識好多新朋友，「我本身同大部份演員都唔太熟，但係後生仔好快熟絡，仲做埋好朋友，每日開工都好噪，但好開心，每日都會有人『萬歲』，最慘自己有場着泳衣戲，所以忍口忍得好辛苦，但無辦法啦！」
Rainky跟一班演員感情好，大家輪住玩「萬歲」。
Rainky為了這場着泳衣戲，忍口忍得好辛苦。
其實Rainky已跟吳奇隆旗下內地公司約滿，所以她暫時會專注留港發展，「我暫時想多啲留返喺香港，特別係想參與多啲戲劇方面嘅演出，內地工作同唱歌方面有機會都會繼續，但係目前會以香港同演戲為主。」
Rainky年前簽約吳奇隆旗下內地公司發展。
Rainky希望向演員的路發展，暫時唱歌工作會減少。
