《跳躍》「雄姐」張彥博殺入九展開處男個唱
各位Fans準備撲飛喇~
憑《跳躍》「雄姐」人氣急升，帶給阿博帶來事業高峰。
入行13年，今年38歲的張彥博終於《跳躍生命線》中救護員「雄姐」一角爆紅，除殺入tvb台慶頒獎禮角逐「最佳男配角」，更食住人氣在本月9日假九展舉行處男騷《Good Day．張彥博演唱會2018》。
經歷多次高山低谷，阿博想不到「雄姐」殉職兩周後，驚喜收call，他說：「可能觀眾認為今個show係雄姐延續版，但真正嚟講，係延續我嘅音樂夢。如果係爆，下次推向紅館見！」
網上圖片
因為臨時有場，麥長青等投資者看準張彥博會成為「今期流行」，即打他主意，但籌備時間好短，阿博還要拍新劇《法政先鋒IV》及練習台慶項目，心思熟慮三日機決定，他形容當時內心忐忑，「演唱會同平日出去唱歌係兩回事，即時嚇窒反思：『我究竟係咪ready？』等咗咁多年就係呢個電話，但係呢個電話嚟到竟然成為無形壓力。最終諗通咗，點都要試一次，得與失經已不再重要。」
張彥博拍個唱宣傳片扮女人，獲讚嬌俏可人，似韓星智孝。（網上圖片）
不過，阿博愈近開Show愈驚：「個人變得好混亂，真係隨時會心臟病發，所以我成日同人講，我開到處男個唱唔等於係成功嘅第一步，等我平安過渡12月9號再算，唯一開心嘅係可以還原歌手身份，當年喺邊度跌低，喺邊度企番起身。2005年我由組合赤子出身，係全職歌手，好景不常，3年後被解散打回原形做孤兒仔，被逼喺中環一間音樂餐廳打4000蚊兼職工，幫藝人set咪，放低身段重新整理自己，呢段時間學會忍耐同技能。」
網上圖片
