因「車震」緋聞受打擊 劉穎鏇學會淡定面對
經一事長一智!
劉穎鏇（Tiffany）2016年當選港姐亞軍，入行以來一直形象健康的她，最近被指跟港男胡㻗在車廂談心，似有「車震」之嫌，一度令 Tiffany大受打擊，已平伏心情的她，坦承經一事長一智，已學識面對緋聞及是非，以後會淡定面對。
Tiffany以大熱姿態奪得港姐亞軍。
入行後，Tiffany其實一直恨拍劇，要苦等兩年才有機會，但她覺得這樣更適合，「自己中文唔好，呢段日子我做主持多，反而訓練到我講嘢，對我o依 家拍劇幫助好大，如果我一開始就拍劇，真係未必兼顧到咁多嘢，依家係適當時候。」
Tiffany坦承現在面對緋聞和是非會鎮定得多。
Tiffany好珍惜拍劇機會，為角色花了半年時間苦練西洋拳，「最初都覺得好辛苦，但近日睇番出街效果，拍得自己好有型乜都值得。」講到拍劇困難，Tiffany最初好擔心要跟楊明談情，「最初好唔慣，因同莊思明好熟，原來投入咗角色，就算講我哋要kiss，其實唔會再諗尷唔尷尬，反而會理效果多啲。」
Tiffany覺得自己打拳戲好型，辛苦練足半年都值。
談到早前跟胡㻗「車震」一事，Tiffany坦言打擊好大，「我本身係個好介意人哋點睇嘅人嚟，好擔心外界會以為我係個隨便嘅人，好在屋企人同埋朋友都有安慰我，公司亦明白情況，有咗今次經驗，下次會鎮定啲，笑一笑面對唔會咁驚。我同胡㻗仍然係好朋友唔會避忌，不過拍拖嘅嘢隨緣啦！依家工作為重。」
胡㻗
