數學功課「0」字未埋口遭圈起改正 家長嘆：考書法？
7字都仲有得拗下要改，但0字未完全埋口都要改，好似有啲誇張？
不少小學對字體都非常執著，但也有不少家長投訴某些學校的要求極端，近日有家長於社交媒體上載圖片，指自己的一年級小朋友的數學功課中，其「0」字及「7」字被圈起改正，家長慨嘆：「學校本身好注重字體的，但估唔到數字都要。」
網上圖片
圖中可見，小朋友本身寫「20」，其「0」字被老師圈起，只因「0」字未圈實、未埋口，至於「7」字，則是小朋友寫「17」，該「7」字過分扭曲而被老師圈起。
網上圖片
網民對於這篇帖文意見兩極，有人認為「7」字需改正還可接受，但「0」字是矯枉過正，「唔使去到咁痴線嘅地步囉」、「考書法咩」。不過亦有人認為老師要求學生改正實正常，因為小一是養成習慣的好時機，「一旦習慣左就好難改」。
網上圖片
網上圖片
