陸浩明收女友窩心禮物 網友：「快d拉埋啦」
好閃啊！
送驚喜不一定只限男友做，陸浩明（6號）今年與女友Ayan的拍拖紀念日，就收到女友的「窩心驚喜」。他在社交網站分享短片，見他邊拆禮物盒邊問「紅酒嚟嘅？」女友則笑指是豉油，結果折開是一份好有心思的禮物！
女友笑指用豉油做禮物後，6號即「O嘴」，並說「豉油咁正？」
結果6號一打開禮物，發現女友送的是一對美少女戰士和禮服蒙面俠的Q版紙黏土公仔，上面換成女友及自己的樣子，並有一個「Ay6Style」的公仔襟章，Cute得來又勁Sweet。6號都隨即大讚「好得意、好搞笑」。
Ayan將一對美少女戰士和禮服蒙面俠的Q版紙黏土公仔換成自己與6號的樣子，勁Cute！
6號大讚女友的窩心禮物「好得意、好搞笑」。
網民都留言大讚二人非常甜蜜，亦有網民留意到兩人穿上情侶裝，笑言被「閃親」；更有人催拍拖多年的他們早日結婚，「快d拉埋啦」、「幾時結婚呀？等左很久了」、「恩愛恩愛啦，快D娶啦！又好又靚嘅女友」。
有網民留意到兩人穿上情侶裝，稱「閃親」。
