中大緣份配對遇奇怪男子？ 網友：記得保持警惕
肯定咁樣可以識到女仔？？？？
社交媒體專頁CUHK Secrets早前舉辦「緣份配對計劃」，在校園裡設下「緣份配對機」，為各位「心郁郁想出Pool」的同學牽紅線。不過交友總有機會遇到怪客，專頁管理員（Admin）就上載圖片分享奇事，籲各同學「小心痴線佬」。
網上圖片
「中大狗公見得多，痴線佬真係第一次見。呀ching你可唔可以唔好語出驚人？你唔止搞到對方好驚，Admin我都驚埋一份。喺度呼籲大家聯絡配對對象嗰時，記得注意禮儀同保持警惕。撞到痴線佬/婆唔對路就要直block啦！」只見Admin貼出對話紀錄，一名男學生嘗試與女學生對話。
網上圖片
不過這次溝通絕不簡單，因為只得男子一人唱獨腳戲，說：「Hi，我見你用左緣分配對機，雖然我好怕羞但係我都想認識你。」這句說話並不無不妥，不過隔了10分鐘又再傳短訊：「你個Status：Single and available。」、「唔通.......」、「你係可以唔Single都available都妖艷賤貨？？！！」。
網上圖片
「唔好話我知我身都未熱你就怕羞都唔敢出聲。」以認識新朋友的角度來說，這段對話相當古怪，難怪Admin都呼籲「撞到痴線佬/婆唔對路就要直block啦！」而大部分學生都恥笑該帖文，但又有人指事主是看別人的相片做人，「如果個icon係彭于晏咁靚仔，一定唔係呢個反應」。不過亦有人指該學生是「懶係好笑但唔好笑」，「三唔識七」不應該如此「幽默」。
網上圖片
