憑天嬌一角成網民熱話 譚凱琪買Cake與朋友賀一賀
當日佢仲化了個靚妝，唔知係咪準備出席聖誕聚會？
譚凱琪（Zoie）憑《大帥哥》老婆天嬌一角成為網民熱話，戲中她演繹反轉豬肚一幕非常到位，獲網民大讚，仲話原來37歲的Zoie都識做戲咁話。這日她趁着聖誕前夕落銅鑼灣買一些Cup Cake同朱古力，同朋友開心分享。
蛋糕好靚，包裝亦好靚，Zoie揀了一陣就入手。
Zoie於00年入行，做過前日本Kpop金牌製作人小室哲哉徒弟，又在日本出過碟，但演藝事業Keep住一條直線，之後曾去過台灣及內地發展，亦曾入有線做綜藝節目主持，之後加入TVB，至16年先憑《EU超時任務》的「動L女神」成功彈起。
買完東西，Zoie又同店員講拜拜。
當晚七點，化了靚妝的Zoie去了銅鑼灣一高級商場買蛋糕，見她一上樓就直入Cake Shop，望兩望再問下店員，諗了一陣就入手近500元的蛋糕，可能因為問了很多事，看口形見到Zoie不斷講謝謝，非常有禮貌，逗留15分鐘就離開。
天嬌同大帥哥合作好有火花。
葉天嬌還有個日本名叫舞川奈衣，幾funny。
