演音樂劇無時間見愛女 王祖藍靠太太傳相解相思之苦
音樂劇完咗就可以陪多啲囡囡啦！
日前，王祖藍剛完成了12場音樂劇《唯獨祢是王II 》演出，相隔13年再演男主角「大衛王」，他認為角色伴着自己成長，由黃毛小子到現在有事業、有家庭。不過，為了這次演出，剛升呢做人父的祖藍，每日早出晚歸未有時間見愛女Gabrielle，唯有靠太太李亞男每日定時傳相服務，以解相思之苦，他上台前更要望一輪先安心演出。
王祖藍
祖藍於2005年首演《唯獨祢是王I》，當時他事業剛起步，想不到現在已有能力投資製作，他認為相隔多年再演算是成長印記，「我同『大衛』人生真係好似，大家都身材矮小，但容貌俊美，哈哈！隔咗一段時間再演，自己事業有啲小成就，亦有咗家庭同小朋友，同角色一齊成長，就好似個階段印記。」
祖藍希望未來能製作更多娛樂與藝術兼備的音樂劇，給香港觀眾欣賞。
祖藍於上月17日初為人父，太太李亞男為他誕下千金Gabrielle，但他為了該劇連休息也不多，莫講見愛女時間，所以唯有靠相片以解相思之苦，「我緊係掛住個女啦！但係真係冇時間見佢，所以每日亞男會定時定候傳囡囡啲最新相片畀我，我臨出場前就會開晒嚟睇一次，咁樣個心就會好定咁出場演出。」
亞男為了就祖藍工作檔期，專登安排在開騷前開刀產女。
祖藍上月17日初為人父，太太李亞男為他誕下千金Gabrielle。
祖藍坦承初次抱囡囡Gabrielle時，忍唔住眼濕濕。
這次是祖藍首次連演12場音樂劇，為了養聲用了不少方法，「以往我最多都係連演六場，未試過演咁多，同埋做綜藝主持其實係好傷聲，所以我事前有向T.V.Carpio（杜麗莎大女）取經，佢哋百老匯演員有咩方法做300場都冇事，我又喺演出期間好少講嘢，保留實力演出，不過演完就知自己只係業餘水準。」
祖藍直言今次「大衛王」演出，已將入行以來積累的「功能」全發放。
劇中「大衛王」亦已為人父，看來祖藍抱B手勢頗純熟。
