甄子丹新戲重演經典場面 向《殺破狼》致敬
對手都唔同咗啦！
由谷垣健治執導、甄子丹和王晶主演電影《肥龍過江》，晚上於九龍灣拍攝煞科戲，由伍允龍客串演出。穿著皮褸現身的甄子丹表示，該片拍攝了很久，因為一路修改戲份，當中有他曾演過的電影《導火綫》同《殺破狼》的經典場面，更笑謂「自己玩自己」，不過並非胡鬧戲。他說：「身上成個造型跟15年前跟《殺破狼》同一樣，同一枝棍，仲同一條巷。不過著件褸依家對比當年較鬆，肚腩肥咗啲，但係健康肥。」
跟15年前同一造型、同一枝棍，同一條巷，有否似曾相識？
資料圖片
資料圖片
談到戲中肥仔造型，甄子丹表示曾經製作過一個肥仔造型廣告，出來效果後好多朋友認為可以變成電影，當時跟王晶合作《追龍》有提及過，於是買下《肥龍過江》的名字版權，但今次故事完全不同。問到太太汪詩詩可會喜歡他肥仔造型？他說：「仔女嚟到片場都唔知邊個係老竇。」
有份投資兼主演的王晶稱揼本投資，半套戲以上在日本拍攝，並搭建一條歌舞伎町拍攝飛車場面，結局場面於搭建出來的東京鐵塔拍攝。談到有份演出可會過足戲癮？王晶笑指甄子丹叫他演今次角色，本身推卻謂好攰又要打。他說：「我話不如畀多點錢請洪金寶打，佢話唔好。我一個打幾個，佢就打幾十個，唔打唔知自己好打得。」他謂甄子丹為了肥仔造型變妝，搞到好後悔，又指該片會在4月上映，因為爭院線都好難。
資料圖片
資料圖片
提到導演林嶺東離世，王晶一臉嚴肅表示有人跟他說在本月9日設靈，但未有聯絡林太，因為不知可說甚麼。他說得知林嶺東去世消息時身在北京感到好錯愕，「我都話我死，佢都未死，人好化學。如果需要我幫手會協助。」
至於客串演出的伍允龍，表示演繹返當年吳京在電影《殺破狼》的場面，但要跟甄子丹拍對打戲，搞到之前一晚睡不著。提到跟有男友的江嘉敏傳緋聞，他表示，當時完劇集《兄弟》宣傳後，與江嘉敏一齊買聖誕禮物，行完兩個圈便離開，自言跟對方男友經常一起打機。問到可會識個女友以免被指為第三者？他說：「順其自然，神會安排。」
資料圖片
資料圖片
資料圖片
資料圖片
