農夫聲演《新喜劇之王》求飯盒 星爺笑答「無」讚佢哋平靚正
星爺X農夫，未睇已經知搞笑！
周星馳今年以電影新作《新喜劇之王》加入賀歲片戰團，並定於大年初一上映，由於星爺以內地演員拍攝，故在香港上映前，需找香港演員配音。
繼「柳飄飄」張柏芝後，星爺邀請農夫為新戲角色聲演。眾所周知，農夫二人幽默搞笑，轉數又快，與星爺的第一次合作已經一拍即合，在配音工作中不忘大放笑彈，二人見到星爺親筆簽名的摺櫈，嚷著話想要來珍藏，又扮海報中的人物擺pose影相，更和星爺一同拿摺櫈合照留念；星爺則大讚兩人「平靚正」。
農夫爭取聲演 《新喜劇之王》。
農夫二人今次分別為兩名戲中角色配音，C君形容自己的角色是一名已過氣的演員，而陸永就描述：「我是一名導演，戲中C君所配的角色就要拍我套電影，詳情就要入戲院睇喇。」
陸永為角色聲演。
以往多次與Do姐合作的農夫，今次他們要面對出名嚴厲的星爺，反而笑說：「講惡係無人類可以同Do姐媲美到，星爺都無鬧過我哋，其實他對我哋太仁慈善良喇。」他們更難得正經地分享從星爺身上學到什麼，C君表示：「星爺會循循善誘，佢會不斷問你意見，俾我哋自由發揮，所以會在佢嘅提問當中學到嘢。」陸永則讚歎：「星爺有時會為我哋示範點配，同一句都可以有好大分別，賺了好多經驗。」
C君為角色聲演。
不少人都認為農夫是因為其喜劇細胞被星爺看上，但他們卻搞笑自嘲：「其實係因為我地收得夠平，又無嘢撈，夠哂得閒。」雖然收得平，但農夫一見到星爺就問：「有冇飯盒食？」星爺回覆：「無！」陸永即說：「無飯盒唔緊要架！我唔食飯都得！」
農夫面懵問星爺攞飯盒。
三人你一言我一語後，星爺補充：「佢地啲喜劇元素係不斷爆發，佢地應該係平靚正。」似乎對兩人的表現都相當滿意。農夫亦乘機向星爺偷師，要他贈二句如何成為「喜劇之王」，星爺瞬即發揮喜劇之王的本色，他回應：「好難架喎，用兩句就未必得，起碼要多啲時間。」
