母親炮製暗黑蘿蔔糕 絲打食完：「可一不可再」
豬年最新暗黑料理！
農曆新年終於到喇，一班人可以放假、逗利是、食好嘢，應該是好開心的日子。但近日一位高登絲打，就因為新年而被逼食呀媽暗黑料理！
事緣這位絲打的媽媽，見豬年將到，心血來潮決定自製蘿蔔糕，買下不少靚食材，用了大半日時間製作，但完成品就出人意料，外表極為出眾，就好似一堆嘔吐物一樣。這時，絲打和媽媽才發現竟然落錯了糯米粉。這種情況，相信媽媽也是第一次遇到，但又不想丟掉糯米蘿蔔糕，浪費食材，於是致電絲打婆婆請教能否食用。
網上圖片
網上圖片
網民得知絲打的遭遇，各自獻計：「當咸嘅年糕食囉」、「當蘿蔔糍食囉」、「攞去煎會唔會好啲？」「放湯，當咸湯圓咁食，勸絲打樂觀面對。有網民更大讚絲打是孝女，亦有網民笑稱：「又係時候測試吓邊個係親生仔女邊個係執返嚟」。及後，絲打貼上糯米蘿蔔糕照片，並分享食後不斷放無聲臭屁，如廁也遭殃，勸大家可一不可再，不要用糯米粉做蘿蔔糕,，衰硬！
但其實媽媽又錯唔晒，因為的確有蘿蔔糕用糯米粉製作的，但做蘿蔔糕時記得睇清楚分量、步驟，否則就會好似絲打一樣不斷放無聲臭屁。
過程非常簡單，第一步：將白蘿蔔刨絲，並蒸熟。第二步：將配料臘腸、香菇切丁，和蝦米同時炒香。第三步：將適當份量糯米粉混入清水，調成粉漿。第四步：在蘿蔔絲中加入鹽、白胡椒、配料、醬油，再加入粉漿拌勻。第五步：將粉漿倒入模具內，放進電鍋蒸完再焗，就可以食到香噴噴蘿蔔糕。
