十二生肖冇貓同老鼠有關 點解紅鶴又係其中之一？
今年竟是牡牛年⋯⋯
送狗年，迎豬年，新年大家總係將十二生肖掛喺嘴邊，但有冇諗過點解狗、豬係十二生肖，貓又唔係呢？
中國古時無貓，連幾時由印度傳來都無辦法考究，但對於貓唔係十二生肖，一般會以民間傳說解釋。有傳當時唐三藏由印度帶咗第一隻貓返來。亦有另一個民間傳說解釋貓唔係十二生肖，係因為當年黃帝挑選十二隻動物做生肖，貓就叫老鼠幫手報名，但是老鼠冇咗件事，仲因為咁同貓變成世仇！
網上圖片
十二生肖排行都好有趣，原來係數腳趾分前後。當時古人將腳趾分為單、雙數，視為陰陽，梅花間竹咁排前後。老鼠就最特別，前面有四隻腳趾，後面有五隻腳趾，所以排第一，之後是四趾的牛、五趾的虎、兔、龍、蛇、馬、羊、猴、雞、狗、豬。
除咗中國，其他國家都有十二生肖。好像越南就有貓年，取代咗兔年，但生肖其他都同中國一樣。柬埔寨嘅生肖排法就唔同中國，牛排第一，老鼠反而係包尾。日本生肖豬指嘅係野豬，唔係家豬。而埃及的十二生肖最特別，分別係牡牛、 山羊、 猿、驢、蟹、蛇、犬、 貓、鱷、紅鶴、獅子、鷹。印度仲有萬獸之王獅子，但就冇老虎喇，所以如果喺埃及，今年應該係牡牛年呀！
設計圖片
設計圖片
網上圖片
