新年六大賀歲片 邊套最啱你睇？
新年又點可以唔睇賀歲片？
新年放假最好當然係去睇戲，今年香港就有六部賀歲片，分別係《新喜劇之王》、《廉政風雲 煙幕》、《恭喜八婆》、《如珠如寶》、《你咪理，我愛你，死未！》、《家和萬事驚》。選擇眾多，但眼睛得一對，有時真係唔知揀好！
六部當中，最為觀眾喜愛係《廉政風雲 煙幕》、《新喜劇之王》，《廉政風雲 煙幕》有大家最愛男神女神：劉青雲、張家輝、林嘉欣主演，自然係票房唔錯，一啲不吉利場面亦避免血腥，而故事雖然係查案為主，但劇情當中摻加唔少笑位，戲院裡面都有細唔笑到大大聲，一次過滿足睇男神女神、查案、笑位三個願望。
網上圖片
網上圖片
《如珠如寶》係笑匠林敏聰第一部導演作品，搵到洪金寶、吳耀漢、泰迪羅賓、張繼聰、王苑之出演，講老人院俾人收地故事，當中有唔少林敏聰式笑料，亦有感動位，比較接近1980年代賀歲片，心態年齡30歲以上嘅中年觀眾會比較喜歡。
網上圖片
相比起其他賀歲片，《恭喜八婆》故事比較「新奇」，係講六個女人、兩個基佬嘅朋友圈，點知其中一個人囂小心將腦細辛苦泵出嚟嘅人奶，沖咗咖啡，結果其他人要幫拖一天之內搵返人奶。故事亦都加咗「新奇」笑料，好似之前爆經嘅消防署吉祥物「任何仁」都有，最後一班八婆化解恩怨，依然係好朋友，最啱一班老友去睇！
網上圖片
香港極少有歌舞片，今年賀歲片《你咪理，我愛你！》就改編音樂劇玩歌舞片，當中仲有唔少黃色笑話，未必啱新年小朋友、一家大細去睇。最後一部《家和萬事驚》，劇本喺1993年已經寫好，二十幾年之後終於拍好，所以故事比較懷舊，講一家人同鄰居吵吵鬧鬧，老一輩會比較喜歡。
網上圖片
網上圖片
其實，一套好戲應該個個都啱睇，但睇戲都好，最緊要一家人、情侶、朋友之間開開心心，新年快樂！
