【情人節街訪】單身狗大反擊： 散！全部散！！
「誰人曾照顧過我的感受？」
2月14日係有情人嘅大日子。有情人當然會過上甜蜜嘅一日，但又有誰曾照顧過一班單身仔女嘅感受呢？（小編都不禁唱出：「誰人曾照顧過我的感受？」） 所以，今次小編特登搵到一班有情人、單身仔女做街訪，問吓佢哋情人節有咩感受？
面對情人節，一班單身仔女都覺得冇咩特別，回答：「冇氣氛呀」、「唔關我事」，被問到情人節有咩搞作，佢哋就話：「食飯瞓教」、「正常咁生活」、「睇醫生」，非常佛系，也有單身仔女覺得自己非常自由。
本網記者攝
本網記者攝
本網記者攝
雖然佛系，但單身仔女都有失守時候，總會唔小心見到情侶放閃。眼見情侶放閃，一班單身仔女就有說話講：「唔好喺我哋面前閃閃發光」、「忽略佢哋（情侶）囉」，更提醒情侶們「做好安全措施啦」，安全第一！
本網記者攝
雖然而家單身啫，但人生在世，總會遇上對的人。若然未有，只係Timing未到。唔知呢班單身仔女理想對象又係點㗎呢？佢哋又有咩想同返身邊嘅單身仔女講呢？想知就即刻去片！
