學生分享IELTS說話考9分方法 全靠家姐「恐怖」強逼法？
其實如果夠自律，各位學生不妨試下？
文科對於不少學生來說是個惡夢，特別是在中學文憑考試，往往中文及英文兩項必修都是最難得分的科目。然而練習英文有不同的妙法，有學生就分享他在國際英語測試系統（IELTS）說話中考得最高分的9分，靠的竟然家姐的「恐怖」教育法。
網上圖片
「見到有人寫恐怖家姐。我屋企都有個大我七年嘅恐怖家姐，明明佢以前讀屋村英中，但唔知做咩佢英文可以講到native speaker咁，以前連NET teacher都問佢係咪外國返黎。」網民於社交平台專頁「名校Secrets」分享趣事，又分享自己如何成為第二個「家姐」，英文變得流暢。
「長話短說，家姐由我中一開始逼我每日好似傻仔咁跟TED talk同步練講5分鐘，係每日，星期一至日年終無休嗰種，唔聽家姐話阿媽就扣零用錢，練左兩年。」TED演講（Technology, Entertainment, Design），大多數的影片都上載至網上，演講內容千變萬化，對於聽及講英文實在大有幫助，而且能認識各種詞彙。
設計圖片
來到中三，該學生的訓練有所變化，便是要隨演講的題目，立即「爆肚」演講三分鐘：「係唔俾時間準備即興創作咁，仲要錄低晒俾家姐間中抽黎聽，講得好有零用錢加，講得衰就扣。練左兩年到宜家中五佢冇逼我。」
該學生後來去考IELTS，才知道家姐這麼多年來的用心良苦：「早兩個月我去考IELTS，speaking竟然有9.0！！！但其實我從來未去過英美澳紐，連星加坡都未去過，而且我係讀中中。以前好驚家姐，唔鍾意家姐，不過宜家又好感激佢，唔係因為個speaking我overall都絕對唔會有7.5。」
網上圖片
「唔知以上方法係咪人人啱用，不過都寫出黎俾大家參考下。好似我同家姐咁冇機會出國留學甚至遊學，呢啲都算係低成本高回報方法。」網友大多讚好其家姐手段高超，「雖恐怖，但終生受用」、「其實喺全家合作嘅成果，包括你，家姊及媽媽。恭喜你有回報」、「你家姐好錫你呀，唔錫嘅話唔會花時間幫你練同聽錄音」。
網上圖片
