鷹隊Fans飛身爆籃 跳霹靂舞慶祝
NBA常規賽，亞特蘭大鷹隊近期雖然「勁頹」，近7場輸足7場，但今日比賽暫停時間出現驚喜一幕，有Fans參與跳彈床爆籃環節，投入勁誇張入樽，推高全場氣氛。
影片截圖
由影片可見，Fans由場的一端助跑，拿著球跑到另一端，使用彈床跳起，高度比起籃框更高，造出「大風車」動作後成功以側身爆籃，全場立即替他慶祝。
用「Pat Pat」彈下彈下回到中場。（影片截圖）
最誇張的不僅是入樽，而是其慶祝動作。該名Fans雙腳伸直坐在地下，由罰球線以臀部「彈下彈下」彈向三分線後數步的位置，再做出「break dance」地板動作，最後以蜈蚣彈起身作結，就連旁述都睇到「O晒嘴」。
仲要跳Break dance！（影片截圖）
不過，雖然鷹隊的官方影片講話係「鷹隊支持者」入樽，但有唔少網民都認為係「做媒」，能做出如此強勁的入樽，而且有趣的慶祝動作，絕對唔係平凡粉絲輕鬆做到，唔知係咪鷹隊突登搵人嚟整「High」個場，從而為球隊打打氣呢？
