囡囡肚腩仔越來越大 李璨琛陪元元玩健腹輪勁sweet
有肚腩仔先得意啊！
李璨琛（Sam）自從榮升爸爸後，不時在社交平台分享囡囡元元（Lucy）的可愛照。Sam近日就上載兩父女齊齊做運動，玩健腹輪的影片，不少網民留言大讚元元可愛。
從影片見到，元元坐在地上，好奇用手輕輕推健腹輪，Sam還親自示範正確用法，兩父女一齊做運動，場面溫馨。阿Sam留言表示，「Lucy都覺得自己個肚腩仔越來越大，所以都要跟爸爸做下運動先」，還hashtag「#郁together」。
不少網民留言大讚元元可愛，亦有網民指「個肚腩就嚟跌落地下」、「我最鍾意佢個肚腩」、「個腩仔好可愛！唔使減啦！」
