食油渣麵異物插喉卻遇冷漠店員 搞到入院損失幾千蚊仲一肚氣！
點可以咁無情冷漠？
外出消費最怕遇着態度差的店員。有食客在小店食肆進食油渣麵時，發生異物插喉， 遂問店員可否給她一個麵包，希望可以連異物吞下，惟對方不為所動，只提出質疑。事主直言當時「痛到飆晒眼水」，最後唯有埋單到醫院求醫，但店員仍冷漠地說：「啲麵入面點會有骨」。經手術後，醫護人員為事主取出了「竹或膠之類嘅野」，事主慨嘆：「我都冇必要呃佢嗰幾十蚊飯錢。但佢哋嗰種冷漠，無視，質疑嘅處理態度，實在令我覺得好無奈」。
該食客在facebook群組「巴打絲打 Facebook Club」發帖，指在一小店點了一碗油渣麵和魚蛋，但進食期間有異物插喉，隨即向多點一樽飲品，「個女店員喺隔離望住，用好冷淡嘅態度問我：『吓！你食過啲咩？』」樓主聞言大感無奈。
有網民表示在小店食油渣麵時，不幸有異物插喉， 但遭店員冷漠對待。fb群組「巴打絲打 Facebook Club」
樓主把飲品喝完後，情況仍沒有好轉，遂向另一名男店員求助，「可唔可以畀個麵包我吞？ 之後佢竟然唔係去拎麵包，而係企喺度質疑我，話碗麵點會有骨。質疑完一輪，佢先去拎麵包，但佢未拎到嚟畀我時，朋友已經喺隔離便利店幫我買咗個麵包。之後個店員見我想嘔，淨係講咗句廁所係後面，叫我自己拎鎖匙入去」。
由於樓主情況仍沒有好轉，最後埋單並到醫院求醫，但她說，「對於先前一連串嘅無視同冷漠對待，我已經覺得十分無奈。 埋單嗰時仲要同我講多句：啲麵入面點會有骨啊」。樓主直言，當時並非要向店員索償，「但佢地嗰種冷漠，無視，質疑嘅處理態度實在令我覺得好無奈。大佬，我痛到飆晒眼水你唔係見唔到。我咁辛苦嘅時候你係咪應該幫我處理左先？而唔係企係度質疑我。講到好似我屈你咁？」
食客最後到醫院求醫，接受了小手術，終取出異物。fb群組「巴打絲打 Facebook Club」
樓主表示，最後在醫院接受了小手術，終取出異物，「唔似係骨，我估係竹或膠之類嘅野。」樓主也在帖文上載照片，可見一張診症收費單，費用為3800多元。而樓主事後已將事件向食環署投訴。
不少網民都批評食肆做法，「離哂譜，這食店職員態度差到不得了」、「態度問題唔係最重要，最重要係間食肆處理食物不當，會死人架！」、「佢應該幫你call白車」；另有網民提醒樓主，「唔好用食物吞，可能卡得仲深」，建議她立即到醫院求醫；有網民則認為樓主代價很大，「 好慘呀！食碗幾十蚊麵，無咗幾千蚊」。
