拍格鬥戲不怕苦狂練MMA 《入鐵籠》3新晉演員力求做到最好
三名演員由訓練到拍攝都全力以赴！
綜合格鬥（Mixed Martial Arts, MMA）是一種允許運用多種不同武術，例如散打、巴西柔術等結合而成的格鬥，也是近年健身房流行的運動之一。除了要學習不同的武術，訓練多樣性外，對體能亦有嚴格的要求，但《入鐵籠》的馬志威、林耀聲和楊柳青卻只有一個多月時間學習，就要把MMA的精萃表現出來，過程中花了不少功夫！
三位新晉演員表示雖然平時也有接觸不同種類的運動，但坦言是第一次接觸MMA。當中楊柳青更要飾演獲紫色資格的巴西柔術教練，非常有難度，她分享說：「我之前係未接觸過巴西柔術呢樣野，拳腳自己都有去學吓，所以對我自己黎講係由零開始接觸巴西柔術，喺拍戲之都有train返呢方面嘅技巧，了解巴西柔術點運作。」
本網記者攝
本網記者攝
而林耀聲就表示：「因為由接角色到拍攝嘅時間都比較趕急，只得個半月時間，我之前有做開gym或者打開泰拳，但只係當運動形式，出身汗，未算好辛苦，但接咗呢個角色，基本上一個禮崇七日都黎拳館訓練，訓練八至十個鐘，兩個鍾練肌肉、兩個鍾練體能、兩個鍾練習MMA技術，包括一啲鎖技、柔術等技巧，之後有兩個鍾排場口動作，嗰段時間我覺得最辛苦，體能上要進趕進度、身型都要進趕進度。」
《入鐵籠》劇照
本網記者攝
除了體能，各人在飲食上也要非常節制，一談到飲食，馬志威就立即說在這方面非常「有心得」，「我地每日都（食）烚蛋、西蘭花、雞胸、奶粉，之如此類。最辛苦我覺得係食，你叫我操得好辛苦我無所謂，但叫我食烚野無味呢......即係做野咁辛苦點解仲要我食啲咁嘅野，但為左套戲無辨法。」
《入鐵籠》劇照
本網記者攝
為拍出最好效果 挑戰極限
為了得到更好的拍攝效果，三人都非常落力演出，林耀聲和楊柳青更攝期間受傷，但仍然拍攝認真程度不能忽視。楊柳青分享：「我係因為係一場比賽唔小心撞到對方膝頭，所以我肋骨移咗位。」她又提到：「我覺得最深刻嘅係有一場係我受傷之後要飛踢一個替身，頭幾take都ok嘅，但臨尾受傷個位開始痛，呼吸唔到，當我起腳踢嘅時候唔夠力，失平衡跌咗落地，休克咗三秒，個下係好嚇，嚇到自己都喊咗出黎。」
《入鐵籠》劇照
而林耀聲就說：「第一次覺得拍戲係有生命危險加威脅......就係喺呢個屯門一個水霸凌空做sit-up，個水霸有15-16層樓高，我就要係水霸嗰條梯度，得一條繩加一條威也縛住個欄，然而我就要凌空做situp，個感覺係好驚但好刺激，非常難忘。」
《入鐵籠》劇照
馬志威更因為一場「上磅」戲連要續30小時不能喝水，：「同埋最辛苦個場戲，我講我個上磅個場戲，因為個場戲要到嗰個磅數，咁我本身又牛高馬大少少，我又肥底，個場戲我係30個鐘無飲水，去廁所係啡色黃色，好濃個啲色......」其實描述得這樣細緻，都只是想讓觀眾知道他們為了拍攝已將身體操到最fit！
馬志威，《入鐵籠》劇照
拍攝過後還會再練MMA？
雖然三人拍攝過程極之艱辛，但為了戲劇效果，三人都出盡全力。問到三人拍攝過後會否繼續訓練MMA，林耀聲就話：「如果佢開續集我一定練！」而楊柳青就說：「既然都開左個頭，繼續做呢樣野當然好welcome，同埋自己本身都想向武打演呢條路行，所以隨時welcome！」不過，馬志威就「怕怕」，直言：「咪搞我！」
本網記者攝
本網記者攝
馬志威：
Makeup : Jenny Tziong
林耀聲：
Makeup & Hair by Iris Sze
Outfit : CALVIN KLEIN JEANS
楊柳青：
Hair & Make up : IG-@hazesmakeup
場地贊助：Vamos Gym
