踢波最大的敵人唔係對手 而係天氣？
「其實落雨又有乜好怕喎」，對於冰島一場球賽嚟講，落雨真係無咩好驚，主要係因為暴風雪先恐怖，仲要其中一隊球隊因比賽腰斬而被迫輸波，認真慘。
影片截圖
是咁的，冰島日前上演足球聯賽盃，由Fram對上Breidablik，比賽初段只是在下小雪，並無異樣。不過換邊後天氣突然轉差，刮起一場暴風雪，由影片可見，能見度變得極低，有球員跑回場邊穿衣服，亦有球員呆站在場中等候指令。
比賽初段並無異樣（影片截圖）
點知之後變成咁......（影片截圖）
唔單止球場披滿白雪，就連場邊的後備席亦遭波及，他們在未有落場暖身的情況下，只能穿起大量衣服，依偎著對方取暖，狀甚可憐。球證於70分鐘腰斬賽事，冰島足總拒絕安排室內補賽，而當時Breidablik正以1:0領先，故宣布Breidablik勝出，Fram只能抱怨輸比天氣，最終無仇報。
見到都覺得凍（網上圖片）
