生涯得分排名跌落第八位 奧尼爾勁嬲？
克利夫蘭騎士近況勁頹，連輸三場，再由東岸一哥之位跌落做阿二，之但係喺悲傷之際都有一絲喜訊，就係「大帝」勒邦占士今場攻入26分，讓他生涯累計分數上升至28599分，並以3分之微超越奧尼爾，成為榜上的第七位。NBA on TNT上載片段，只見比「大帝」超越嘅奧尼爾勁唔開心，仲要掉野發洩？
AP圖片
AP圖片
話說節目另一位主持人突登嘲諷奧尼爾，為他準備了「第八位」的牌匾，同埋幾張「大帝」的相片，祝賀奧尼爾「降級」。奧尼爾接過牌匾後，立即掉落地，仲要拎住枝掃把亂發脾氣，掃跌箱子等，睇落勁嬲。
掃跌晒啲嘢！（影片截圖）
當然，奧尼爾眾所周知係一個玩得嘅人，絕對唔會咁容易就嬲豬，都係「Tum」下網民開心，逗人一笑。不過有唔少網民加入恥笑奧尼爾的行列，講「如果當年入多啲罰球，有可能拎
40000分」。
影片截圖
睇返奧尼爾生涯罰球命中率，剩係得52.7%，而佢平均每場射入4.9球罰球，如果計返佢咁多場打過嘅賽事，再將罰球命中率推高去返80%以上，真係有機會拎多近3000分，咁就無咁易俾人破紀錄啦！
AP圖片
