【A0的珍貴】網民開Post為A0 Grad同學平反：佢哋好值得尊敬同珍惜！
「A0 grad 又有咩好怕喎」！
「出Pool」被視為係大學必做的事，唔少莘莘學子入大學之後，都努力尋找戀愛對象，開始一段轟轟烈烈嘅大學戀情。但亦有唔少人最後以A0 Grad，保持未拍過拖嘅狀態直至畢業。唔知幾時開始，A0 Grad被認為是失敗、條件差嘅標籤，但只要認真觀察，其實唔少A0都算優秀，卻偏偏單身。
近日，就有一名網民在社交平台專頁「CUHK Secrets」開Post，指A0 grad的人其實不少高質仔女，值得大家欣賞、尊重，引來大批網民Like爆、分享。
樓主指出高質 A0 grad有三種，分別係「搵緊一個人」、「等緊一個人」、「寧願一個人」，各有各保持單身原因。
網上圖片
網上圖片
網上圖片
樓主指出希望大家對A0 grad唔好咁多負面標籤，更指「佢哋好多都好值得我哋尊敬同珍惜」、「大家第日揀伴侶嗰陣都唔好一見對方A0甚至A0 grad就即刻唔接受，因為佢哋先係會對你最好、對感情最認真嗰個，大家唔好再咁易俾啲 player呃啦。 」最後樓主更加為A0 grad同學送上祝福「希望高質嘅A0 grad bb們可以早日搵到真愛、等到真愛、被真愛好好珍惜。」，帖文發表短短一日，就有超過八百個網民讚好，將近三百個留言。
網上圖片
唔少大學生都Tag返自己A0 Grad嘅朋友，並留言「高質A0 grad here」、「so 偉大」、「not your fault」，也有選擇自Tag，留言「Yeah tag 自己」、「我哋值得更好的」、「本人A0 grad表表者」，亦有其他網民留留言支持A0 grad「A0 grad 又有咩好怕喎」、「寧缺勿濫」、「給你們一點愛喔」。
