大叔搭巴士手機睇戲大大聲 乘客勸止一招令佢即熄機
呢招掂啊~
搭車開大聲浪睇片或聽歌惹人討厭，有巴士乘客發帖分享，遇到一位大叔扭大聲量睇大戲後，就勸喻對方用耳筒免騷擾其他乘客，詎料不獲理會。乘客最後唯有「出絕招」，在大叔旁邊跟着唱兼加唱「Yo Yo！ Check it out」饒舌歌詞，結果大叔終於熄機。不少網民都大讚樓主做得好，直言「大快人心」。
有乘客分享遇到大叔扭大聲量睇大戲後，「出絕招」令對方熄機。資料圖片
有網民昨在facebook群組「Tai Po 大埔」發帖，指自己乘搭巴士74X線期間，有一位大叔「開好大聲睇大戲」，於是禮貌地勸對方用耳筒，並指「你騷擾了乘客」，惟大叔沒有理會。樓主於是走到大叔座位，「望住佢部機跟住唱，我加咗啲『Yo Yo！ Check it out』落去」。
大叔結果熄了機，並罵樓主黐線。樓主在帖文也承認，自己是持俗稱「白卡」的殘疾人士登記證，但已逐漸康復，「我拿張白卡比佢睇，話你冇講錯，但我已漸漸康復了，之後佢冇出聲，成車也沉靜下來」。
帖文隨後掀起網民討論，不少人都同意很怕遇到乘客「嘈喧巴閉」，亦有網民大讚樓主「好波」、「你好勇敢做得好」、「對付無賴其實只可以咁無賴」。另有乘客分享其類似「絕招」，「我試過大聲播心經，佢即時收聲」、「我播過《多啦A夢》，拉大隊起哄」。
