惡母帶32歲兒大鬧診所 索「病假紙」遭拒嘲護士駡醫生
大鬧診所續集，同樣瘋狂！
香港地各類人種無奇不有，一名婦人上月帶其32歲「處男細路仔」兒子看醫生，拒絕出示身份證，被拒看症後大鬧診所，引起網民熱議。原來「故事」還有續集，該對母子日前又到訪該診所，今次是苦纒醫生寫早一日病假紙，結果要驚動警員到場調停。
設計圖片
據「西客之道 Hispitality Secret」專頁，該名港媽今次得戚地飛張身份證入登記處窗口，揚言「嗱！身份證呀！掛號啦八婆，都唔知您係咪想溝我個仔先死都要佢張身份證。」護士暗地抱怨，「呀太，我結咗婚好多年架啦，而且邊個頂得順你做奶奶呀」。
設計圖片
當時要等幾個病人才輪到該對母子，港媽就在診所催「話自己個仔病到就死，煩大堂其他病人讓佢個細路仔睇先喎，但無病人理佢亦無人肯讓佢」。當輪到母子入內看診，又傳出醫生與港媽吵架的聲音。
原來該名港媽聲稱早一日兒子病情嚴重，睡足全日無起身，要求醫生寫回早一日的病假紙。醫生堅持犯法一定唔開假紙，於是港媽就發難，「你犯法關我咩事，總之我畀錢你比張假紙我個仔，我個仔公司無咗佢唔得架。」而該名32歲兒子則依舊坐在病人椅打遊戲機，無視一切。
設計圖片
護士透露，「佢啊媽瘋狂咁鬧，言語間聽到佢個仔係某連鎖店到做廚房的，跟著個女人見醫生唔理佢，淨係話總之唔會開，佢呀媽癲咗咁打開醫生房門，係咁對著大堂叫話呢間診所啲人正X街，蝦佢家爺仔乸，又話我哋唔開假紙畀佢個仔，想佢病死想佢失業，我哋好毒想佢哋兩個死。」
當該名32歲兒子想起身出大堂，港媽就阻止，要求坐到醫生開假紙為止。出面的病人見狀威脅報警，港媽於是揚言「報警啦，搵埋記者睇下您呢班X街點蝦我個仔呀！」港媽指責醫生搞事，稱開張假紙有幾難，又不是無錢。
網上圖片
當場果然有病人報警，港媽見大堂無人理會，於是走到登記處鬧護士，「呢啲女人正衰人，個仔咁純真咁好，點解你要夾埋個醫生蝦佢，肯定係（護士）上次溝唔到個仔，所以今次咁毒唔比醫生開假紙畀佢」。
隨後港媽又走返入去鬧醫生，警察到場調查後稱糾紛也無能為力，將女子帶出診所調停。但之後護士見到女子係門口坐落地下舌(累)地，警察都好無奈。擾攘一小時後，該女子終於離開。警察轉交了醫委會的電話號碼，叫女子如果不滿意就打去投訴。
有網民就稱，「醫生應該寫紙，不過係轉介精神科」、「好想睇有第三次」、「應該列入黑名單」。
