【誰是誰非】四個細路霸滑梯搞到人哋無得玩 正義途人見家長懶理出面教訓
遇著咁嘅情況，你又會點做？
小朋友到公園玩亦應排隊守秩序，但葵芳新都會廣場逾萬呎的「歷奇公園」內，有4位小朋友竟霸着滑梯，滑下去後又爬回滑梯上，不斷重覆了幾分鐘，其他小孩只是默默排隊等候，有家長略有微言，亦有家長拍攝，但沒有一位出聲；4位小朋友的家長見到也沒有阻止，最後一位途人因看不過眼，怒斥小朋友「又上又落，知唔知好危險」，並着他們的家長「唔該管教下自己啲細路啦！」有網民目擊後分享事件，掀起熱議。
網上圖片
設計圖片
facebook專頁「葵青友」小編在專頁發帖指，上周經過該公園時，見到好多小朋友一個接一個排隊玩滑梯，期間有4個小朋友瀡落去後，竟由下面再爬上去，「一個接住一個，然後又瀡翻落嚟，不斷重覆玩咗成幾分鐘」，上面排隊的小朋友卻一直耐心地呆等着，「全程好安靜好乖咁望住（4個小朋友）」。
設計圖片
貼文者說，4小孩的家長望到孩子的行為，「但望咗兩眼之後就無再理會」，在場有其他家長略有微言，有家長更取出手機拍攝，但始終沒有人出聲，冷眼旁觀。直至一位正義途人看不過眼，上前大聲怒罵4小孩︰「你哋咁樣又上又落，知唔知好危險㗎？每個人都要守規矩排隊，玩完一次就再排，你哋咁樣霸住嚟玩，其他小朋友點玩啊？」
網上圖片
4小孩聽到喝罵聲後顯得非常驚慌，全場更「靜過拍蚊」，4小孩走開後，正義途人再開聲尋找他們的家長，「邊個係佢哋父母啊？唔該管教下自己啲細路啦！」但發文者指，4小孩的父母不敢出聲認自己是孩子的父母，只是站在一旁望着。其他父母則勸正義路人不必動氣，稱「佢哋只係細路啫」，並指已拍片留底。發文者最後在帖文hashtag了「香港人真係好鍾意拍片」，似諷刺沒有出聲的父母。
網民都大讚發文者做得好，但慨嘆拍攝家長行為，「淨係識拍片，出聲又唔敢，有正義之士幫佢出聲，仲反過來叫人唔好勞氣」，並表示「真心覺得出聲講，好過齋拍片上網公審人」。另有人認為「佢哋只係細路」這句說話十分難聽，批評部分家長「帶小朋友去公眾遊樂場玩又唔教佢守規矩......真係當咗係佢私人公園」。
