雷神爆作弊玩機動遊戲差啲害死個女？ 黑寡婦狠批「不負責任的爸爸」
各位家長切勿模仿啊！！
《復仇者聯盟4：終局之戰》上畫在即，戲中演員頻頻四出宣傳，早前「鐵甲奇俠」羅拔唐尼、「雷神」基斯咸士禾夫、「黑寡婦」施嘉莉祖安遜及「蟻俠」保羅活特齊齊亮相美國清淡節目《Jimmy Kimmel Live》。四人唔單止淨係講電影嘅事，
基斯咸士禾夫仲喺節目大爆差啲害死自己個女。
網上圖片
基斯咸士禾夫指喺幾年前，當時佢帶埋個女去迪士尼樂園玩，當時佢地一家人去一款叫「Tower of Terror」機動遊戲度，但係當時佢個女高度未達標而冇得玩，搞到囡囡非常唔開心。
網上圖片
於是基斯咸士禾夫急中生智，佢將幾排朱古力條塞入囡囡對鞋入面，成功令囡囡增高至114CM嘅標準高度，而門口檢查嘅職員竟然又會批准佢地去玩。現場觀眾聽到偶像咁有創意嘅時候都歡呼拍掌。但係施嘉莉祖安遜表示咁樣非常之唔負責，唔明觀眾點解仲要鼓勵呢啲行為。
網上圖片
當時基斯咸士禾同寶貝女玩「Tower of Terror」嘅時候，機器不停係咁向上升，雷神仲係咁同佢個女講話：「我地得左喇！做得好！」但係呢，因為座位太大，當機動遊戲急降嘅時候，佢見到囡囡因為離心力太勁而被拋出座位。基斯咸士禾就係捉到個女實一實，佢之後仲話機動遊戲嘅高度限制或者係有原因，而羅拔唐尼聽到之後即刻質問：「或者？」基斯咸士禾夫喺呢個時候先呼籲觀眾千祈唔好學。
網上圖片
好彩最後寶貝女冇穿有爛，基斯咸士禾夫講笑指佢係囡囡嘅英雄。
網上圖片
以下係迪士尼嘅「Tower of Terror」嘅遊戲情況，大家睇下會唔會好危險。
